Tin hopi melding ta drenta aden, yamadanan cu ta bisa cu tin hopi A Wagen cu supuestamente ta pikiendo hende banda di caminda y pesey ta riba control, hunto cu polis, segun Rodlan Geerman di DTP.
Manera pa controla
Tin dos manera pa controla. Hendenan cu ta meld ta geef door riba e plachi di number. Ora cu ta di patruya ta ripara si ta topa cu e numbernan of tin cierto camindanan strategico cu nan ta uza, cierto camindanan cu nan ta lanta hende, ta para y wak, si nan ta tuma hende. E ora ta para nan y gara e toro na su cacho. Polis tambe ta bin aden e ora.
Tin transporte legal
Transporte legal tur dia tin’e. Ta wak cu nan ta core nan ruta normal. Tin transporte pa tur hende. Pero tin hende cu ta scoge pa e parti mas barata.
Calculacion
Segun Geerman, pirata actualmente di nan ta moviendo e ruta di Noord – Playa. Actualmente tin entendi cu anochi, oranan laat, despues di 12’or, tin hende ta haciendo e parti di taxiwerk, cual ta e parti di taxi tambe. Nan tey.
Busnan no ta desvia
Esnan cu permiso di bus no por desvia di nan ruta, pero e taxista pirata si y ta un preocupacion. Tur hende ta busca nan manera pa traha corectamente, segun Geerman. Mas tanto e busnan tambe, pasobra nan tin ruta pa atene nan mes cun’e. Bo ta haya e personanan aki cu ta bin ta dicidi cu nan ta coy e otro camindanan mas facil pa esnan cu nan ta lanta banda di caminda y asina ta yega na nan destino.
Mensahe
Rodlan Geerman, di parti di DTP, ta bon pa mira e parti cu tin ley, ta mara na ley. Laga e trabao pa e hendenan aki, cu tin e permiso aki y laga nan haci nan trabao y duna nan tambe e chens pa nan biba riba dje. E no ta facil. E piratanan aki tambe mester busca un otro manera, un otro trabao pa nan por haci, pa laga e hendenan aki haci nan trabao. Nan mester cumpli cu tur nan seguro, tur nan papelnan. Esey ta wordo haci normalmente. Nan ta wordo controla y ta bayendo hopi bon. Hopi hende cu ta controla, ta mantene nan mes na regla. Nan ta haci nan best pa ta asina.
Aviso pa pasahero
Hopi biaha e parti di seguro, ta un parti hopi importante. Alabes e keuring di e auto tambe. E mas esencial ta e parti di seguro, pasobra si algo pasa cu nan, hopi biaha seguro no ta cubri pasobra ta un A-wagen y si e auto no tin nada cun’e, e personanan por pasa den cosnan hopi serio.
Control ta sigui, Geerman a bisa por ultimo.
