DTI ta tumando tur precaucion pa empleado y clientenan pa trabou sigui

630

A baha e fluho di trabou na Dienst Technische Inspectie (DTI) pa no expone ni empleado ni clientenan. Esaki ta loke cu Samuel Ramada, encarga cu e protocol di COVID-19 na e departamento a duna di conoce na 24ora.com

A ricibi diferente yamada cu no kier desinecta e luga y personanan cu tabatin contacto cu un trahado positivo, ta trahando normal. Esaki ta preocupacioncu ta biba aparentemente bou di e empleadonan.

Trahadonan di DTI preocupa cu situacion di Covid-19

Posted by 24ora on Wednesday, August 12, 2020

Sr. Ramada a splica cu en realidad no tin preocupacion, pasobra nan tin un protocol pa sigui. Asina cu a haya informacion cu tin un empleado cu a test positivo, a pone e protocol inmediatamente den practica. “Mi ta kere na cuminsamento el a trece poco nerviosismo cu e otro coleganan pero a papia y informa nan kico tur ta haci pa haci e operacion mas “safe”.”

A cuminsa pa desinfecta e sede di DTI y unabes cu esaki ta cla ta bay adapta e forma di brinda servicio. “E servicio mester ta na un forma sigur tanto pa nos coleganan como pa e personanan cu ta bin busca e servicio,” Ramada a bisa.

Ramada a sigura cu no ta bay paralisa e servicio di DTI. Ta bay reschedule e citanan programa pero e servicio ta sigui.

Colega infecta

Pa loke ta nan colega infecta cu COVID-19, el a informa dialuna cu e ta sinti su curpa malo y no ta bin traha. Diamars el a bay BGD, unda a avis’e cu DVG lo tuma contacto cu ne pa haci su test, cu el a haci, y diamars anochi el a informa DTI cu el a test positivo.

Despues di e informacion ey a pon’e na altura pa ehecuta e protocol di COVID-19. Awe mainta a topa e personal y a informa nan di e situacion. A papia cu otro y a pasa den e protocol.

For di 6’or di mainta a cuminsa desinfecta e oficinanan, a pone e stulnan den solo y despues a baha e luiknan.

A sigura cu nan ta den operacion y ta tumando contacto cu tur esnan cu tin cita pa informa nan di e fecha nobo. A informa cu ta baha e intensividad di trabou.