DTI ta bezig cu un serie di charla riba siguridad na trabao, unda cu mayoria di informacion ta bin for di e mesun trahadonan cu ta Inspectie Ambtenaar, cu ta pasa mayoria di biaha den e parti di construccion.

Anko Koopmans, director di DTI a splica cu e prome sesionnan di informacion ta bay pa e branch di construccion. A pensa tambe cu otro informacionnan cu ta haya, manera di SVB, cu no ta meld na DTI, tin cu bay haci algo pa duna informacion na e diferente branchnan.

 

DTI cu anochi di informacion riba siguridad na trabao

DTI cu anochi di informacion riba siguridad na trabao. Click link pa mas https://24ora.tv/2MSYmlG

Posted by 24ora on Monday, June 17, 2019

A cuminsa cu construccion, mirando cu DTI ta den dje. Ta bezig tambe ta dunando informacion na hotel, incluyendo Timesharing, y AHATA tin cita cu DTI caba. Pero tin departamentonan cu tambe riba nan mes ta pidi informacion manera Triple A, y otro departamentonan di Gobierno cu ta interesa pa haya informacion. E prome charlanan ta pa 20 y 27 di Juni, cuminsando pa 6’or di atardi. E ta dura mas of menos 1 ora y mey, dependiendo di e cantidad di pregunta of mas informacion. Lo sigui sigur te ora cu tin tur pregunta contesta. E idea ta pa pasa over di un short summary di e parti di e leynan. Esta e leynan cu mester traha cun’e. Tambe e parti di meldplicht cu tambe ta den ley poni. Principalmente e companianan di construccion.

Tambe lo papia riba demas temanan cu ta interesante pa hendenan compronde cu e burgerlijk wetboek, 1614X, tin e responsabilidad di e doño di trabao. Tin hende no ta compronde full ainda y p’esey kier splica e invitadonan tambe. Un otro parti ta con pa haci un “risico inventarisatie/evaluatie”. Cuminsa hopi simpel, no haci’e dificil. Pero pa bo observa bo trahadonan, wak kico nan ta haci y tuma un lista di riesgonan cu nan ta tuma. Si nan haci algo cu bo no gusta of bo mester mehor’e, esey ta e partinan cu bo por observa nan y cuminsa actua di bo banda como dunado di trabao, pasobra bo ta responsabel. Parti di dje tambe ta proceduranan. No mester bay pasa den bukinan yen. E ta bay pa e parti di procedura cu ta traha den practica. Buki riba cashi no tin nada riba dje.

Ta e persona cu mester traha cun’e, mester sa su proceduranan y no mester ta hopi dificil. Hunto cu e splicacionnan ta bay tin ilustracion di kico a topa den e sector di construccion. Tambe ta bay purba di haya un interaccion den e grupo cu ta bin e charla y DTI cu ta presenta, pa wak kico por mehora. E ta bisa cu DTI tambe tin aspectonan cu mester mehora y esaki nan ta tende hopi riba caya. No mester lubida cu DTI ta controla y monitorea e parti tecnico den diferente area. “Por ta no ta tur hende ta durf di papia, pero den un seccion asina cosnan lo los caminda cu DTI por mehora den e parti aki.”

Otro punto cu kier comparti ta e parti di e trabao, esta cual ta checklistnan. Kico DTI ta wak na pia di trabao cu nan por yuda e compania ey traha mas sigur. E checklistnan tampoco no ta secreto. Mas hopi hende sa den e branchnan kico ta e checklist, mas miho e ta bay ta pa traha sigur. “DTI tey pa yuda y nan mester e yudansa di otro banda. Di e companianan tambe. DTI ta yuda, nan tey pa duna e informacion y traha hunto pa por haya e branch aki mas safe cu ta posibel,” director di DTI a bisa. E charla lo tuma luga na DTI mes na Barcadera 153. Tin un sala di entrenamento ariba, caminda cu nan lo tene e charla.

Comments

comments