Algo pasa di 9’or y 35 di dialuna mainta, patruya di Noord, brandweer y ambulance a ser manda cu urgencia na un adres na Tuma na Noord, caminda lo tin un cas na candela. Na yegada di e prome patruya, a notifica central cu no ta e cas tabata na candela, sino den e washok parti patras, caminda cu e dryer, di un manera of otro, lo a cende na candela. Bisiñanan tambe a purba na combati e candela cu slang di cas, wardando riba presencia di brandweer. Na yegada di brandweer a bay over na spuit pa ta sigur cu e candela a paga por completo. Comandante di brandweer tambe a presenta na e sitio pa asina tuma nota di e sucedido. Ambulance a presenta pa asina asisti e persona kende tabata den e washok na e momento ey. Daño na e parti di e cas aki tabata considerabel.
