Robert Anjie: Partido CURPA ta e unico partido cu a uni cu e pueblo

948

Den prensa y den  pueblo ta wordo crea e imprecion cu partido CURPA a uni hunto cu e otro partidonan politico  cu ta contra pa Hulanda yuda Aruba y interveni den e mal maneho  financiero y gubermental di e gobierno aki. Esaki no ta corecto. Desde 2017 nos a vocera caba cu un instancia manera Transparency international of  Hulanda mester interveni den Aruba pa combati corupcion. Tambe nos a bisa desde 2016 cu Hulanda no kier traha cu  ni MEP y AVP pasobra nan no ta di confia y no ta cumpli cu palabracionnann haci. Awe nos por wak e resultadonan di e fiesta  di mal maneho, corupcion, inhusticia y patronahe politico cu a crea pobreza den e pueblo y enrikicemento di politiconan y nan friends, family y sponsernan y un Aruba practicamente bancarota y debil.

Partidonan politico AVP, POR, RED, RAIZ, UPP y PPA a uni cu MEP pa proteha nan pan politico di awe y den futuro pa nan por keda cu nan autonomia politico personal pa por sigui cu nan actonan di mal maneho, corupcion, inhusticia y patronahe politico. Si nan perde e autonomia aki nan ta perde e oportunidad pa enrikece nan mes, friends, family y sponsernan cu e consecuencia cu nan ta perde placa pa campaña, voto y poder politico.

E pueblo den gran mayoria kier pa Hulanda interveni pa caba cu entre otro mal maneho y corupcion  y enbez cu AVP, POR, RED, RAIZ, UPP y PPA  uni cu e deseo di e pueblo pa Hulanda interveni nan a prefera di uni cu MEP pa mantene y proteha e status quo di mal maneho, corupcion, inhusticia y patronahe politico pa asina ora ta nan buert pa goberna nan tambe haci e cosnan aki pa nan propio beneficio. Partidonan asina no merece di haya hamas e confiansa di e pueblo pasobra e mester ta e prioridad number 1 di cualkier partido politico di uni cu e deseo di e pueblo y no nan deseo. Si bo no sa kiko e deseo di e pueblo ta yama un eleccion of bin cu un referendum. Den un desicion grandi asina pa Hulanda interveni of no bo mester involucra henter e pueblo di Aruba  

Goberna bon no kermen haci cual e partido kier. No. E ta pa haci cual ta bon pa pueblo y locual e pueblo kier. Y pesey nos di CURPA sí ta para tras di pueblo pa e intervecion di Hulanda y no por uni cu e otro partidonan cu solamente ta wak nan mes un bienestar. Pesey  AVP, POR, RED, RAIZ, UPP y PPA a uni hunto den e cumbre politico pa proteha nan pan politico enbez di e pan di e pueblo. Partido CURPA semper lo ta uni cu e deseonan di e pueblo y no nos deseonan partidista y pesey desde 2009 nos ta e unico partido cu ta pro referendum pa desicionnan grandi na unda mestr involvi e pueblo den su totalidad.