Parlamento di Aruba a reunion informativo cu Directie Wetgeving en Juridische Zaken (DWZ) riba Rijkswet Caribisch Orgaan voor Hervorming en Ontwikkeling (COHO) y Rijkswet Aruba financieel toezicht (RaFT). E reunion no tabata publico y durante esaki e representantenan di DWZ a duna presentacion na e parlamentarionan.
Lider di Fraccion MAS a haci pregunta na esunnan presente di Directie Wetgeving y Finansas. E representantenan aki a splica riba e parti tecnico di COHO y RaFT. drs. Marisol Lopez-Tromp a enfoca un poco mas diep riba kico te cu aworaki di landspakket ta den proceso pa ta ehecuta. Parlamento ta na bispo pa bay entrega pregunta pa loke ta e leynan di COHO y RaFT prome cu 13 di mei. Awo ta turno di e parlamentarionan pa haci esey den un relato.
Na mes momento dos aña pasa gobierno a aproba e landspakket cu prome minister a firma y a bay di acuerdo cu Hulanda pa bin e trayectorio aki. Cada bes cu tin e relato na parlamento ta puntra con leu esaki ta. MAS ta mira cu den e landspakket, di cual Lopez-Tromp a mira den tur e añanan di politica, cu tin cierto decision of cierto paso mester ta tuma pa asina drecha aparato publico, pa hacie mas eficiente, decision den parti laboral, di parti e permisonan. Tambe punto por ehempel den parti social, di educacion.
Segun e parlamentario, nan sa cu ya caba tin bishita ta tumando luga di experto di aki y afo pa yega na doorlichting di departamento. Nan ta den e stapnan con pa bay mehora diferente di e departamentonan y no solamente den funcionamento, pero cambio di ley pa futuro pa pais Aruba. E esencia ta cu e Lopez-Tromp ta mira hopi aspecto den landspakket no ta nobo. Hopi di nan ta aspecto den transcurso di aña, pa no bisa decada, e gobiernonan a keda hala dilanti pa futuro.
Pa mas lesa den proximo edicion di TREMPAN.COM.
