Dia 20 di November ta e Dia Internacional di Derecho di nos Muchanan. Esaki t’e motibo pa cual rib’e dia aki, GLW Foundation, organisado di e concurso Miss Teen Aruba International beyesa lo organisa un dia special cu yama “Feed the Kids Day”, como un muestra di cariño pa nos muchanan cu ta nos futuro generacion. E aña aki ta e di tres aña cu lo organisa e evento aki.
E dia aki lo bay al estilo drive thru pues e autonan ta pasa den e parkeerplaats di Centro di Bario Tanki Lender cu e muchanan den auto, no mester baha. Aki nan e muchanan ta ricibi nan pakete, ta importante pa menciona cu e muchanan mester ta den auto pa nan ricibi nan pakete y un maximo di tres mucha pa auto pa asina nos por duna mas tanto mucha posibel. Den e pakete cu e muchanan ta haya lo tin un pan cu hotdog, Chubby, Buskuchi Festival, Mangel.
Di curason e fundacion kier a gradici Universal Technologies, Aruba Lions Club, Bright Bakery, Gift Baskets Unlimited, Satex Agencies, Lissy Lampe, Sra. Odor. Tambe un danki na Rayanne Hernandez di Cento di Bario Tanki Lender y na tur boluntario pa nan bunita trabou y cooperacion.
Un biaha mas nos ta invita tur e mucha pa pasa awe Centro di Bario Tanki Lender entre 10:00am cu 2:00pm pa asina pasa busca nan pakete completamente GRATIS.
