Driftmento ilegal riba caminda publico a caba na detencion

2028

E hecho cu Gobierno a cancela tur evento publico, tabatin su impacto riba e motociclistanan na nos isla. Specialmente pasobra un grupo grandi a biaha for di Corsou, Boneiro y otro paisnan pa Aruba pa hunto nan celebra nos dia nacional, cu paradanan di brommer. A probecha nan bishita pa organisa eventonan di drifting y careda na Palo Marga, pero cu na ultimo momento diabierna a dicidi di cancela tur cos. Como cu ya tur brommer tabata na Aruba, a nota nan presencia durante henter fin di siman, organisando shownan ilegal riba caminda publico.

Awe marduga, pa mas o menos 2:00am, Polisnan a bay riba e parkeerplaats di Certified Mega Mall unda cu varios auto y brommer tabata drift y haci desordo. Pa ora cu Polis a yega, tur tawata para nechi caba. E defensornan di ley a cera henter e area pa asina ningun motorcycle ni auto por a sali, te ora nan controla pa check si nan papelnan ta na ordo.

Polisnan tabatin mannan yen: Driftmento ilegal durante henter marduga a percura pa varios detencion

Polisnan tabatin mannan yen: Driftmento ilegal durante henter marduga a percura pa varios detencion

Posted by 24ora on Sunday, March 15, 2020

Ey a tuma varios vehiculo den beslag pa motibo di no tabatin e papelnan na ordo y otro pasobra tabata bou di influencia di alcohol. Despues a sigui pa controla na Tanki Leendert cerca di e clubnan nocturno eybanda y ey tambe a tuma vehiculonan den beslag cu no tabata comporta. Polis a sigui controla te mas o menos 6:00am di diadomingo mainta, ora cu porfin e motociclistanan, hopi di Corsou y Boneiro, a dicidi di bay sosega nan curpa.

Comments

comments