Tin biaha tin cierto frustracionnan den e aparato di Gobierno y esaki ta pa motibo di diferente cos cu ta keda pega na dado momento, etc. Directora di DRH, Omaira Lares, a splica desde cu 2010 cu a start cu e departamento di Recurso Humano, tabata tin un meta di e cantidad di documentonan cu tin pa procesa. Pero baha door di traha riba e stapel aki, mañan e otro ta core drenta tambe.
E enfoke tabata pa drecha e procesonan administrativo cu ta deal cun’e. Esaki no ta solamente door di describi e procesonan. Pero esaki ta uza metodonan moderno pa nos pais, den e parti di HR. Esaki pa casualidad, diabierna atardi a bay live intern na DRH cu un sistema di HR management cu por bisa cu den 20 pa 25 aña pais Aruba no a conoce un sistema asina acopla, pasobra ta bay bin cu un HR system caminda cu tur departamento di Gobierno por yega na DRH digital. Nan ta yega, nan ta haci na peticion digital pa cualkier cos. Sea ta un kindertoelage, of bevordering, si nan kier un file di un hende, si nan kier haci un peticion pa bin duna un training, of un peticion pa yuda un empleado publico cu problema di alcohol. Ta un sistema integral cu a implementa.
Ta un proyecto cu for di 2006 a cuminsa cun’e. El a costa mas di 2 miyon pasobra a drecha full e sistema di ICT, tando na DRH como payroll nobo. Na 2012 a cuminsa cu un payroll nobo. Asina ta cu ta un proyecto grandi cu a pusha pa drecha e maneho di personal. No solamente riba e maneho parti administrativo, pero pa atencion pa e hende cu ta traha. Pa esey tin sra. Cabrera kende tin 2 aña cu continuamente ta dunando training. Tin 4 persona den e departamento ta duna training y ta haci HR. E HR tambe ta caminda cu ta topa cu hopi problema social den e departamentonan, cu tabata sa, pero no sa cu ta asina grandi e proceso ta. Door di esey ta bay bin cu un tarea nobo, cu ta yama Bedrijfsmaatschappijke hulpverlening di DRH. Ta un plan grandi pa drecha e papel, caminda cu a cuminsa na dje, pero no ta atende no solamente cu papel. Recurso Humano ta yama e palabra, ta pa atende cu e hende y den esey ta atende cu su papel tambe. Den e aña siguiente lo bay habri nan departamento un tiki mas, pa loke ta trata e bedrijfsmaatschappelijke hulpverlening caminda di biaha ta toca e tema di integridad, cu na e momentonan aki tin cu para hopi hopi keto na dje.
Pegamento
Tin biaha ta topa pegamento como si fuera cu tabata traha cu tin biaha hopi cos di hende. Tin hende ta bisa cu nan papelnan ta mas abao pasobra tin un tinte politico, of Minister mester yuda pasobra ta tal partido. Segun Lares a splica cu nombracionnan semper tin y lo tin, nombracionnan politico tambe. Loke ta tarea di DRH ta, ora cu un decision asina ey drenta, DRH ta averigua si e hende ta apto pa traha den e funcion a base di cual el a wordo tuma, esey ta un. Apto, den e sentido cu e tin e papelnan necesario, pero si e hende ta adecua pa traha tambe. No por ta solamente un dokter y ta bin traha na telefonista. Pero bo mester ta telefonista pa traha como telefonista. E tarea di DRH ta pa toest un cantidad di punto pa por yega na e persona corecto pa e luga corecto.
Tin ora no ta asina pasobra e decisionnan cu ta wordo tuma no ta corecto y nan tarea ta pa bisa Gobierno e ora, bisa e minister concerni, cu locual cu ta haciendo no ta corecto, pasobra esey ta afecta e calidad di servicio y ta bay tumando un decision incorecto.
Tin biaha nan ta scucha di DRH, pero tin biaha nan ta nombra e persona toch, lage wak con e ta funciona.
Lares su tarea no ta esun di mas facil. Den tur e ministernan, e mes no ta esun di mas gusta tampoco. Esey ta nan trabao na DRH. Ta keda biba riba un pais chikito cu un ta yuda otro.
