Diaranson tabata tin un encuentro basta importante di hefenan di departamento na Marriott encuanto di integridad.
Omaira Lares, directora di Departamento di Recurso Humano, a splica cu na momento cu a tuma e siguiente paso pa lanta e departamento cu ta bay encarga cu e maneho di integridad di Aruba, mester a comunica esaki cu e hefenan di e diverso departamentonan.
Asina e comision cu tabata encarga cu e proceso, hunto cu prome minister Evelyn Wever-Croes, a puntra DRH con pa organisa esaki.
Hunto a dicidi cu lo por bin esaki den un reunion, (diensthoofdenoverleg), cual por bira un startconferentie, pa e tarea di e departamento di integridad.
Encuentro cu orador
Lares a sigui splica cu durante di e mainta, tabata tin dos orador. Despues trai merdia DRH a organisa algun tayer, cu ta tayernan cu ta trata dilemanan cu a filma na Aruba mes, cu den departamentonan, bo por haya. E esencia no ta cu ta bin pa splica awor aki con ta bay atende cu e ambtenaarnan cu ta bay in de fout.
Ta bay ta cu tin cu crea un conciencia con pa atende cu decisionnan cu bo ta tuma como hefe of como trahado y con bo por splica bo mes ora cu bo tuma e decisionnan ey.
No ta tur decision ta bon. No ta tur ta malo. Mester por splica pa ta transparente pa e hende por compronde. Esey ta e lema di e conferencia. E liderasgo den e tarea cu tin y tambe pa integridad.
Segun Lares tabata tin un experto di Hulanda cu el a papia cun’e dos aña pasa y awor aki el a bin riba peticion pa por a bin pa ondersteun den operacionalisa e proyecto aki y awo e tey pa duna su charla y yuda den e proceso di e tayernan, Lares a splica.
Integridad
Omaira Lares a splica cu integridda tin cu cuminsa y caba na bo mes. Den DRH ta purba di wak nan mes. Na e momento cu sa cu DRH tambe tin hopi cos pa drecha, y esey ta atende cun’e tambe. Como e ambtenaar individualmente, of cu e trahado publico, e bestuurder, mester percura pa wak su mes y percura pa su decisionnan ta transparente y pueblo por controla tambe y por wak e decisionnan cu ta wordo tuma.
Esey ta esencial, segun Lares. Haci bon hasta ora cu ningun hende no ta wak bo, esey tambe ta hopi importante.
Ora cu un ambtenaar a faya
Tin tur sorto di plichtverzuim. Den presentacion di Lares el a trece dilanti cu pa aña DRH ta atende cu mas di 1000 caso di plichtverzuim. Esaki durante e ultimo añanan e ta keda crece.
Pa motibo di strafontslag 15 hende pa aña. Ta baha salario na miles di florin pa luna di hendenan cu no ta cumpli cu nan debernan. E ta hopi grandi mes kico ta sosode. E por ta soborno, e por ta fraude, e por ta simplemente no atende cu e responsabilidad di trabao y cada un tin un setting diferente.
Bo tin cu cumpli, cu bo responsabilidad e ora pasobra bo ta wordo paga. Ta mil y un cos. Awendia e plichtverzuim cu ta encontra cun’e den departamentonan ta hopi grandi.
No por midi integridad
Integridad di un gobierno no por midi. Pero e costonan si por midi. Pero midi’e con leu of con malo e ta, no por. Expertonan tin cu yuda guia con leu e por ta.
DRH tin bon contacot cu tur hefe di departamento. Lares a splica cu tur su coleganan tey presente y tin contacto regular cun’e. E tin 6 trainer tambe den e departamentonan. E trainingnan aki ta bay over di integridad.
DRH tin hopi bon contacto cu nan.
18
Cuanto hende
Inicialmente DRH a invita e 90 directornan. Despues a bisa cu ta invita algun hefe tambe, esta chef y HR medewerkersnan. Na final a dicidi cu hopi director y hefenan di afdelingnan importante ta wordo invita.
Durante di e dia, lo tabata tin 250 trahado publico den funcionnan di liderasgo den nan departamento presente na e conferencia.