Na un cas na Palm Beach Polis a bay duna asistencia pa un caso di destruccion. Polis a yega na e adres na Palm Beach y eynan ta constata cu dos windshield a wordo kibra.
E dos autonan tabata para den cura y den garage. Uno tras di otro nan tabata para. E mama y e yiu su auto a wordo destrui. E mama den sala a wak TV berdad a scucha un sonido fuerte. El a bay mira y a constata cu su windshield a wordo kibra. El a avisa su yiu paden y ora e yiu a Sali a bin topa tambe cu su windshield di auto destrui. Parce cu mesun piedra a destrui ambos windshield. A kibra prome e glas di e Kia Sportage y despues di e Chevrolet. E piedra grandi e keda benta riba e auto. Polisnan a constata cierto marcanan di man. A keda di manda e departamento concerni pa coy evidencianan. Polis tin atencion pa e caso. Ainda e doñonan di e auto no por saca afo e motibo pakiko nan auto a wordo destrui. Nan no tin problema cu ningun hende te asina leu cu nan sa.
