Drama na un cas na Paradera na momento cu un dama lo a topa su casa cu un otro dama den cas

Diahuebs algo pasa di 10’or di mainta, un patruya di polis ta wordo manda cu urgencia na un adres na Paradera caminda un dama lo a topa su casa cu un amante den cas.

Na yegada e polisnan enberdad ta topa cu un pareha discutiendo riba caminda, aparentemente e dama lo por a topa su casa cu un otro dama na nan cas, pero e no tin prueba cu e homber lo tin algo cu e otro muher, e ta asumiendo cu su homber tin un amante. 

Despues cu polis a papia cu ambos, nan a calma y a keda di regla e problema amoroso aki entre nan mes, manera dos hende civilisa.