Dr. Milly Lacle sirbiendo e comunidad cu conocemento y compasion

2613

Dr. Milly Lacle, un Psicologo Holistico & Hypnotherapista, awor ta brindando servicio na pashentnan den su practica nobo na Katunastraat 9, Ponton. Dr. Lacle ta un intuitivo di dolor emocional. E ta cuida su pashentnan cu gentilesa y guia nan den un ruta di paz interno, cual ta mas importante cu nunca den e momentonan turbulentenan cu nos ta bibando actualmente.

E la obtene su diploma di Psicologia na Columbus University na Panama hunto cu un Masters den Salud Mental na University of Leon, Spaña. E ta un Hypnotherapista certifica por medio di American Board of Hypnotherapy y National Guild of Hypnotists, manera tambe un Master Hypnotist por medio di Banyan Hypnosis Center, den ambos e 7th Path Self Hypnosis manera tambe programanan di 5th Path Hypnosis. Adicionalmente, e tin licensia pa su practica pa Neuro-Linguistic Programming por medio di NLP Life Training.

Naci na El Salvador y lanta na Panama, Dr. Lacle ta yama Aruba su cas pa 26 aña caba, y e ta ofrece su servicionan na Ingles, Spaño y Papiamento. E ta specialmente interesa den muchanan cu ta sufri di problema cu comportacion.

“Cu cada oportunidad pa wak mi pashentnan, mi meta ta permanece mescos,” e ta splica, “cual ta ofrece un espacio y metodo cu ta yega na un cura permanente. Mi mision ta pa inspira y laga cada persona haya e poder cu nan tin, pa discubri nan necesidadnan real, y pa wordo fascina pa nan originalidad. Mi promesa na mi pashentnan ta pa ofrece comprendimento sin husga y pa yuda nan yega na paz mental. Mi ta dedica mi mes totalmente na confidencialidad, y mi ta agradecido pa e regalo di confiansa.”

Dr. Lacle su meta principal a cuminsa na Clinica Miseracordia na San Nicolas cu Dr. Carlin Brown, kende a specialisa den medicina holistico y alternativo. E semper tabata interesa den e tema anto a asisti Dr. Brown na trata e causanan enbes di e sintomanan di su pashentnan. Den e ultimo 20 aña, e tabata hopi envolvi activamente cu recursonan humano den negoshinan di su famia, anto a completa su estudio multi faceto y interesante banda di su yiunan.

E ta splica cu hopi hende ta hopi cansa di ta cansa, y pa falta di un cura specifico, nan ta keda bishita dokter, sperando pa un acto milagroso of cambio.
“Esaki ta e tipo di pashent cu lo ricibi bon yudansa for di mi,” Dr. Lacle ta splica, “Ora cu tur otro alternativa ta faya, mi practica ta un bon opcion. Si a caso mi pashentnan no ta satisfecho cu resultadonan di mi tratamento, nan por semper haya un refund riba nan dolor,” e ta expresa.

Pashentnan cu ta busca paz mental y paz interior mester realisa cu esaki ta den nan sistema caba, e ta presente caba, y tur loke nos tin cu haci ta mishi cu ne, pero hopi trempan den bida pa motibo di un experiencia traumatico – anto esaki por ta un insulto of accidente, un incidente of un perdida – nos ta cuminsa na crea murayanan pa protehe nos mes di nos banda vunerabel, algun hasta ta subi di peso pa tin mas proteccion, y nos ta biba nos bida tras di diferente nivel di defensa, cual ta naturalmente preveni nos pa conecta cu otro persona den un manera hopi mas significante.
Si bo ta experiencia retonan fisico of emocional, manera ansiedad, no por drumi bon, nervio, si bo curpa ta bira cayente liher, si bo ta medica bo mes of bebe excesivamente, si bo ta negativo of hopi sensitivo, of depresivo, Dr. Lacle ta invita bo pa bishita su website www.millylacle.com. E ta bisa cu su pashentnan, ta dedica nan mes na un maximo di 6 bishita, sin uzo di medicacion, e ta siña su pashentnan maneranan nobo pa trata cu stress, cu resultadonan excelente garantisa.