Presidente di Asociacion di dokternan di cas HAVA, Joaquin van Trigt, a splica cu pa hopi tempo a discuti pa bin cu un regulacion di keho y tabata tin necesidad tambe p’e, tanto di parti di pashentnan pero tambe di parti di e dokternan di cas mes.
HAVA ta contento cu por fin el a bira realidad y cu awo pashentnan or haci uso di e procedura oficial, unda cu por haci nan keho riba nan dokter di cas of e practica di e dokter di cas, na un Funcionario di Keho, cu ta den servicio di AZV, y lo cuminsa cu un procedura, unda cu e keho ta wordo tuma den consideracion. E ora ey lo bin un contesta oficial.
Esaki ta haya cu ta hopi importante. Pasobra e ultimo tempo tambe un biaha mas a tende e discusion riba calidad di cuido. Hopi biaha hendenan ta resorta door cu no tin otro opcion oficial pa bay na otro instancianan no oficial, por ehempel medionan social, radio, unda cu eigenlijk nan ta usa e medionan ey pa ventila nan frustracion.
Esey ta comprendibel. Tur hende tin e derecho di ventila ora tin un disgusto y nan por haci’e con cu nan kier.
Esaki tambe ta pa falta di un procedura oficial cu awor aki si a wordo ehecuta. Ta spera cu tambe esaki lo kita mas di e manera inoficial di presenta nan kehonan y bay mas na e manera oficial, unda tambe por tum’e tambe den consideracion y tambe haci cambio y proceduranan necesario pa cambia e manera por ta di servicio di e dokter, por ehempel.
Tambe pa mustra e dokternan cu por tin kehonan cu no sa di nan, pasobra no tur dokter ta mira medionan social. E ora e dokternan tambe por wordo confronta cu tin disgusto por ehempel.
Dr. van Trigt ta sigui splica cu e tambe sa haya esey. Si e traha pa añanan largo riba su propio sistema y no tin idea cu tin mal informacion of tin kehonan contra di dje, e no ta conciente di esaki tampoco. Hustamente e lo kier sa si tin pashentnan cu no ta contento of cu tin cierto kehonan pa e por mehora tambe den su trabao.
Esey dr. van Trigt ta haya hopi importante y ta spera cu tur hende por haci uso di e posibilidad aki.
Te ainda no tur dokter di cas a asocia. Ta purbando di haya tur e dokternan. Hopi di nan ta druk. Awor aki ta 24 nan tin registra. Pero a palabra oficialmente den nan seno y tur hende sa cu nan mester uni. Si nan no uni, e ora mester percura pa inspectie, pa nan tin nan mesun regulacion di keho, p’afo di e regulacion di keho aki. Pa nan ta den nan beneficio pa nan haci uso di dje. Ta spera cu e tempo cu resta, cu por logra haya tur y pa uni na e comision di keho aki.
