Dr. Guaicaipuro Jimenez a hiba un reunion hopi largo cu Henk Meijer na Patio15. Nan a papia tocante e plannan cu tin pa Joshua Klabér den 2021. Joshua Klabér a haya un Wild Card pa Cali Colombia September 2021. Henk Meijer a keda contento cu e bon servicio cu a wordo brinda na su persona dia cu el a bishita Mark Benzon Denz di Patio15 y a dicidi di bay un biaha mas.
Dr. Guaicaipuro Jimenez ta gradici na Henk Meijer pa tur locual cu e ta haci pa Taekwondo di Aruba, specialmente pa e rumannan Klabér. Un proceso cu a cuminsa na aña 2015 unda cu e ex campeon mundial a hiba un total di 11 hende Korea pa Camp Training, sigui pa 3 diferente campeonato na Korea unda cu e muchanan a logra varios premio.
Henk Meijer a sigui combersa cu Dr. Guaicaipuro Jimenez ariba e meta cu e tin awo cu ta Cali, Colombia cu ta nos dilanti. Asina cu tur cos normalisa, Joshua Klabér tin cu bay Europa cerca dje pa train y participa na diferente camp training y campeonato.
Dr. Guaicaipuro Jimenez a duna e coach internacional tur su apoyo den e plan cu e tin pa Joshua Klabér cu tin su Wild Card caba y a desea e atleta mundial un bon biahe bek pa Hulanda.
