Recientemente Minister di Deporte, Dr. Alex Schwengle hunto cu miembronan di e directiva di St. Fundacion Lotto pa Deporte y Sr. Ing. Junior Tromp, director di Fundacion Facilidadnan Deportivo a hasi un bishita di trabou na IBISASan Nicolas pa asina mira e plannan cu tini pa hasi cierto renobacion na e facilidad aki teniendo na cuenta cu Joe Laveist.
Pa cu esaki presidente di St. Fundacion Lotto pa Deporte, Sr. Di Stefano Wernet RA a conta cu e plannan cu tini ta uno basta grandi caminda yuda e bario ta unprioridad. Den Sr. Wernet su concepto e plan mester ta integraal cu ayudo y sosten di e bario mes & sigur di sector priva. Mi ta kere den un forma di Public-Private Partnership (PPP) den deporte na bienestar di nos atletanan, principalmente esun hoben nan cu ta e futuro di nos dushi pais Aruba. “Nos Minister di Deporte, Dr. Alex Schwengle tin un pensamento unda pa yuda nos barionan.Esaki mester bira un relacion di triangulo entre bario, scol y club/federacionnan unda nosmester mehora y duna mas oportunidad na nos atletanan pero tambe na nos muchanan di scol pa praktica deporte. Nos mester lubida cu deporte y educacion ta e base pa un bon ser humano, uno mentalmente y fisicamente saludabel”, Sr. Wernet a bisa. Segun sr. Wernet actualmente IBISA San Nicolas ta fungi como un Centro di Bario, unda mayorianan muchanan di scol despues di e orario di scol ta bin praktica nan deporte preferi eynan.
Un banda esaki sigur ta bon paso e ta aleha e muchanan for di caya, paso den mayoria caso ora un mucha no tin nada di hasi e por tin e tendencia di hasi cosnan robez. Ta pensando riba un nomber special pa IBISA San Nicolas. Banda di esey tin scolnan den cercania cu ta hasi uso di IBISA San Nicolas. Tin un pensamento pa bini cu un plan unda por traha un veld pa asina no solamente scol, clubnan etc. por hasi uso di esaki pero e bario completo lo tin esaki na su disposicion. Mas cu claro esaki ta exigi su bon planificacion, tin cosnan cu ya por pensa riba dje pero otronan cu ta tuma nan debido tempo & estudio.
