DOW su sistema malo na Monserat atrobe ta laga awa sushi di riool bay caya

DOW su maneho di sistema di Riolering ta causando un situacion hopi No Higienico pa e area turistico na Noord. Tanto biaha pa luna ta mira con e sistema di Riolering den e area di Turibana cu Monserat ta bay over.

E biaha aki dilanti di Del Rey Apartments un biaha mas. Mas tristo ta cu turistanan a bati alarma y avisa Polis. Polisnan di Noord a bay. Dimes DOW mester wordo yama pa bin mira e problema. E awa ta core un pida leu y sacando un holor hopi malo. Ademas hopi auto ta pasa den e awa sushi y keda contamina e areanan mas leu.

Mirando e cantidad di biaha cu e cos aki ta sosode, ta confirma cu DOW su forma di traha ta laga di desea. E cos aki ta mas bien causa peliger pa malesa.

Comments

comments