DOUHSAR ta para trabou den CITGO algun dia prome cu fin di luna

1478

Douhsar ta e unico compania mechanical specialisa den e refineria y faltando algun dia pa fin di luna a para su operacionnan na CITGO.

Gene Boekhoudt, un di e directornan di e compania a splica cu oficialmente dia 30 di januari nan contract ta caba cu CITGO. E refineria ta den incumplimento for di 2018 cu nan pagonan y na e momentonan aki cu nan tin cu paga e contratista pa nan por termina nan contract debidamente, nan no kier.

Unico compania mechanical local pasando den castigo: DOUHSAR ta para trabou den CITGO

Posted by 24ora on Monday, January 27, 2020

E ora Douhsar a dicidi pa para nan trabao dialuna, algun dia prome, pero no ta sigui ofrece nan servicio. Douhsar ta e unico compania local cu a keda te na e momentonan aki. E unico cu ta duna servicio mechanical. Tur otro cu tabata t’ey a cera caba.

Ta inhusto cu e contratista no por a cobra nan placa cu CITGO debe nan desde 2018 te awor aki.

Pago

Ta bisto si cu CITGO debe nan hopi placa. Segun Boekhoudt loke nan kier paga ta completamente inaceptabel. E no ta ni cumpli cu e minimo di loke ley ta bisa. Pa varios aña caba esaki ta nifica cu tur operacion ta riba un minimo.

E unico intencion ta cu si un operador nobo bin, Douhsar por tuma e volumen di trahado bek. Awor aki no ta nifica nada otro sino cera e compania.

CITGIO debe Douhsar hopi placa. Douhsar ta duna servicio na e terminal, riba tugboat, tur caminda den e refineria.

Expectativa

E expectativa cu Douhsar tin ta pa RDA tuma over e contract y nan por transition pa RDA, di e manera ey nan por sigui cu nan servicio. Pa awor aki Douhsar no ta sintando na mesa. Si nan ta combersando. Awor aki nan ta sperando pa RDA yama nan.

Debe miyonario

Douhsar ta canando su caminda legal y un di e pasonan ta pa pidi bancarota di e compania. E mesun ekipo na Merca ta representa Aruba. Nan ta sconde cu CITGO Aruba ta separa for di CITGO Merca.

Interesa aheno

Tin hopi compania sinta den bullpen mirando e oportunidad pa tuma e contract di Douhsar over. Ta un contract cu nan tin pa 20 aña largo, haciendo e tipo di trabao aki 15 aña. Asina mes semper y cuando tin otro companianan cu kier purba di tuma e contract aki over.

Ta di spera cu e merito di e compania, eherciendo e trabao sin ningun incidente ni accidente na pia di trabao lo prevalece y esey por contribui na e exito di RDA tambe.

Un compania cualifica

Douhsar ta un compania cualifica mundialmente y por traha por ehempel den Exxon Mobile, cu ta e compania number un riba e top 500 list y na Aruba no por haya trabao.

Hopi compania na Aruba no por yega na cualifica pa traha pa un status asina y Douhsar ta cualifica, pero no por haya un trabao na Aruba.

E lucha ta constante awor aki, mirando cu tin hende para eynan pa ofrece cualkier cos chikito pa nan por maneha e trabao cu Douhsar a bin ta haciendo.

Cu RDA Douhsar no tin problema. A papia cu nan un biaha y a ofrece nan servicio y nan ta cla pa negosha cu nan. Nan ta cla pa tuma e contract pa garantisa e servicio.

Cu CITGO si ta un lucha di tempo cu nan a bin. Ta un compania masha dificil pa traha cun’e. Pero e punto cu nan a logra sobrevivi te na unda cu nan ta awo, ta duna un indicacion di ki caliber e compania ta. Si a logra di sobrevivi cu e compania mas dificil pa traha cun’e. CITGO tabata tin hopi chens pa reemplasa Douhsar pa otro companianan y nunca nan no a hacie, ta duna e impresion ki tipo di compania nan ta.  Awo pa tin otro compania pa eyeball e contract, no ta yega na e caliber aki.

Te asina leu RDA a tuma contacto cu Douhsar. Awo ta wardando positivamente riba nan.