Diasabra anochi tabata tin apertura di Double Header Barber & Beauty Spa I na Boegoeroei 7D. Number II ta biniendo tambe. Ta un emocion hopi grandi pa su propietario Irma Heronimo. E ta gradici su pareha cu a contribui na e apertura aki, cual tres luna trahando hopi duro, pa asina logra un luga asina bunita. Na Double Header ta duna servicio tanto na hende muhe, hende homber, mucha. Tin tur cos pa henter famia.
Algo diferente
Segun Hironimo, diferente ta e concepto. Cada station tin nan mesun television. Tin station pa manicure, y un station pa pedicure. Pa loke ta nan Spa, den algun dia e lo keda cla. Nan ta hopi bon situa. Tin specials tambe. Si bo ta bin pela 10 biaha, bo ta haya un free. Pa Damas, si bo haci tres tiña, bo ta haya uno free, y asina por sigui menciona.
Idea
Segun Missael Felipe Peña, nan a cuminsa cu un idea, pero cada dia tabata cambia, te ora cu nan ta yega den loke nan tin awo. Ta hopi trabao nan a haci pa yega asina leu. A traha durante dos luna largo tur dia. Tabata bay drumi laat den marduga, djis trahando pa e luga. Ta trata di un idea di tanto di Heronimo como di Felipe Peña y esey ta e resultado di loke nan a wak den nan vision.
Pa contacto
Pa tur esnan cu ta interesa por yama 7470121, tambe 7386000, 7440377. E adres ta Boegoeroei 7D, net dilanti di Save-a-Lot. Nan tin tur servicio di loke ta beyesa di tanto hende homber como hende muhe.
Tur dia nan ta habri di 8’or di mainta pa 8’or anochi. Diadomingo tambe nan ta habri di 10’or di mainta pa 1’or di merdia.
Ta spera mas
Esaki no ta tur di Double Header. Ainda falta.
