Amantenan di peleanan Mix Martial Arts (MMA) cu no por ta na Washington pa e prome pelea grandi di Jairzinho Rozenstruik, por mira esaki mescos cu nan ta sinta den prome fila pero aki na Aruba mes den Double Down Sports Bar & Grill, situa den Eagle Beach Aruba Resort.
Aruba tin un grupo grandi di amantenan di pelea MMA y Double Down Sports Bar & Grill a bira nan cas aki na Aruba pa mira e peleanan aki.
Loke cu ta hopi interesante den e pelea aki ta e toke local cu e tin. Rozenstruik Big Boy, di Surnam, a train na Aruba cu e campeon local Gregory Milliard. E ta demostra e talentonan local cu Aruba tin riba tereno deportivo. P’esey un triunfo pa Rozenstruik Big Boy lo ta un triunfo pa Aruba tambe.
E otro aspecto interesante den e pelea aki ta cu e lo ta enfrentando nada menos Alistair Overeem for di Hulanda.
Rozenstruik ta un di e storianan di exito di 2019. El a logra domina Junior Albini, Allen Crowder y Arlovski, desde cu e ta riba roster di UFC y awo e ta bay test su mes contra e contendor veterano Overeem, kende a gana dos pelea sigui contra Sergei Pavlovich y Aleksei Oleinik.
Cu un record di 3-0 den su carera den UFC, Jairzonho Rozenstruik, cu Grgeory Milliard den su skina, a KO UFC Heavyweight Champion Andrei Arlovski den UFC 244 y awor ta participando den su prome evento grandi dia 7 di december awo, na Capital One Arena.
Alistair ‘The Demolition Man’ Overeem ta busca pa mantene su titulo na bida den e categoria. El a bringa grandinan durante su carera y a brinda KO-nan espectacular na diferente ocasion. Awo e ta busca pa sigura su di tres KO sigui.
E anochi aki ta bay tin diferente otro pelea manera Claudia Gadelha y Cynthia Calvillo.
Pues un anochi hopi interesante pa loke e diferente tipo di peleanan y no tin miho luga pa sinta chill y mira esakinan cu na Double Down Sports Bar & Grill, situa den Eagle Beach Aruba Resort. E ta un area hopi espacio cu pantayanan grandi tur rond y waiternan cla pa sirbi e clientenan durante henter e espectaculo di MMA.
