Recientemente un turista di 25 aña di edad a yega Aruba cu un vuelo for di Pennsylvania. Na momento cu Aduana a controla su maleta, a bin topa cu saconan di mangel, yama “Unforgedibles”. Riba e paki ta skirbi cu e ta contene aproximadamente 250mg di un producto procedente di Canninis Oil. Mas leu e ta adverti pa no stuur auto of maneha mashin ora come e mangel aki. Ta conseha pa no duna mucha y cu e mangel ta pa uzo medico solamente.
Cu e realidad cu e mangel aki ta contene droga, Cuerpo di Aduana na Aeropuerto a tuma e pakinan den beslag y a pasa e caso pa Fiscal di Ministerio Publico pa sigui cu e investigacion. E turista a keda den libertad y a drenta Aruba numa.
Awe Cuerpo di Aduana lo suministra mas informacion riba e caso specifico aki y pa splica di e maneho cu nan ta hiba relaciona cu importacion di e mangelnan aki.
