Diasabra atardi alrededor di 3:50 pm a sosode un caso di pelea den cayanan di San Nicolas. Un patruya di polis a topa cu varios persona ta hala otro na conopi. E motibo di e pelea no ta conoci.
Polis di districto di San Nicolas hunto cu recherche a atende mesora cu e caso aki. A detene dos persona pa bringa riba caminda publico. A detene e prome persona cerca di Charlie’s Bar y e otro den Rembrandtstraat.
Na final a confisca un Mitsubishi Lancer cu ta pertenece na un di e sospechosonan envolvi den e pelea. E auto no tin ningun documento valido, pues no tin derecho pa ta riba caminda mes. Mirando cu na inicio e situacion tabata poco tenso, a pidi refuerso mesora di demas patruya di disctricto di San Nicolas.
