Dos team di Aruba a perde den weganan fogeo contra Team College USA

Pa por a organisa weganan di fogeo entre Aruba y Team College USA, Aruba Softball Bond (ASB) a haci tur ehercicio pa cumpli cu protocolnan post covid 19. ASB a reuni virtualmente cu World Baseball Softball Confederation (WBSC) p’asina repasa e protocolnan estableci pa henter mundo Safe Return to Baseball and Softball Post Covid Prevetion Guidelines y tambe e protocolnan estableci pa Gobierno.

Representante di ASB a reuni cu IBiSA, kende ta maneha y controla protocolnan di gobierno pa deportenan local. Despues di a cumpli cu tur proceso na un manera responsabel, a organisa algun wega di fogeo femenino.

Diamars 28 di juli pa 6:30pm di atardi na veld di Kudawecha por a scucha chief umpire Meules grita “Playball” pa prome biaha den 2020. Team USA a derota Aruba Bank Lady Tigers cu e score di 7-5. Ambos team a conecta 9 hit y a comete 1 eror, cu a haci e wega uno basta balansa. Rudlyn Ras ta bay henter e ruta, pero ta keda cortico.

Diaranson 29 di juli pa 6:30pm Team USA College ta enfrenta Rockets di Sta. Cruz. Rockets tabata ganando 5-4 te den cabes di 7 inning, pero ta trece cambio den nan pitcheo y cu un mal tiro di pitcher pa primera USA ta empata e wega y a gana cu e score di 8-5. Ilajay Tromp, Shakira Kock, Zulaima Croes y Yolaisha Ridderstap tur a bati di 3-1, Frangelina Danies, Marietjie Kock, Liane Tromp a bay di 2-1 y Shakyen Salas y Gaby Angela di 1-1. ASB no a logra haya e stats finals di Team USA.

Un publico bastante grandi a disfruta di e weganan manteniendo nan mes na e protocolnan estableci na e tereno. ASB kier sigui pidi publico pa tene cuenta cu distancia social y mantene mannan limpi y tosa of niester den elleboogLeader di e travel Team di USAAI Sr Bill Edington kende tin 20 aña treciendo teamnan Aruba, a keda hopi sorpresa cu e reglanan di siguridad cu Aruba a estableci y protocolnan cu ta funcionando hopi bon. Nan a manda palabra di elgio via nan medianan social propagandando Aruba gratis y sigur tur propoganda lo yuda engrandece Aruba su turismo. Pues un ehempel di turismo deportivo. Pabien deporte di softball y danki Team College USA!