E caso di Skimming a costa cierto banco sumanan cuantioso. E pareha aki mes ta e sospechosonan principal cu ta sera keto bay. A detene cuater persona di cual tur ta Peruano. Dos a haya nan libertad. E dosnan aki cu mester a subi avion si a keda den man di husticia na Aruba prome cu sali cu Avianca pa Colombia y despues sigui pa Peru.
Keho official a ser entrega di parti di ABA Asociacion di Banconan den number di cierto banco. Cu razon varios cliente Tabata keha cu nan cuenta di banco a ser limpia completamente. Ora a bay lanta placa, a resulta cu tur cos a bay. Nan cuenta Tabata bashi. E grupo aki a hacie algun tempo pasa y a logra hiba hopi placa. Nan a sinti e dushi prome biaha y a bolbe Aruba pa sigui fiesta cu skimming y lanta placa di hende. E biaha aki e banconan Tabata mas alerta.
Ora a cuminsa haya e prome señalnan a move mesora riba e sospechosonan y esaki a duna su fruto. Ya caba a haya e fotonan etc y a pone tur na grensbewaking. Na dado momento Douane durante control tambe a descubri credit card cu no tabata klop cu nan. Esey a haci e sospecho mas fuerte. Despues di detencion awor tin nan wanta y cla pa bay KIA pendiente nan caso cu mester presenta den corte.
Autoridad Peruano na Aruba y Peru a ser avisa di e situacion pendiente resultado di e ivestigacion. E chens ta grandi cu nan a comete mas robo cu skimming di ATM na otro partinan den e region.
