Tin un situacion andando unda cu e lama bruto a causa cu dos persona den awa a haya problema.
Esaki a sosode den oranan laat di atardi na e beach di Arashi. Segun por a compronde, dado momento por a scucha un di e personanan ta grita “help help”. E lama tabata bruto.
E momento ey tabatin varios persona den awa. Un funcionario policial cu a yega na e sitio a drenta lama na careda pa yuda trece e persona tera. Ta trata di un señora di 53 aña. Na momento cu a yega tera, a constata cu e no tin pulso mas.
Mesun momento a haya informacion cu tin un hende muhe mas cu problema den awa. E Polis Wester a bolbe pidi e persona di e rubberboot “Around Aruba” pa wak si ta berdad tin un hende mas y esey a resulta di ta e caso. A bini cu e persona aden.
Paramediconan di tres ambulance y rapid responder tur a duna un man pa yuda reanima e turista Hulandes. Asina cu a haya pulso, a transport’e pa Horacio Oduber Hospital.
Su situacion ta critico. No ta conoci, sin e dos personanan aki ta famia di otro of a bini hunto den un grupo Aruba.
Na amistad y famia di e fayecido ta bay palabra di condolencia.
