Dos pashent di Coronavirus awor ta interna den ICU

E hecho cu nan ta interna den e unidad di Cuido Intensivo na Dr. Horacio E. Oduber Hospitaal ta un indicacion di e gravedad di nan situacion y e necesidad pa por tin acceso na aparato pa yuda den halamento di rosea. Te cu ayera a raporta 1 solo caso pero parce cu na Hospital a interna un pashent adicional cu problema serio di respiracion y pa cual e ta interna awor den cuido intensivo, den cual Specialistanan ta brindando cuido specialisa pa e tipo di retonan di salud cu Coronavirus ta bin cune.

Separa di e dos pashentnan den ICU, nos a compronde cu tin 7 otro pashent interna den Dr. Horacio E. Oduber Hospitaal. Ta trata aki di 7 pashent mas cu ta interna den locual nan ta considera “B3 kamer”. Nan tur ta den un miho estado di salud pero ta rekeri supervision medico.

Gobierno a informa recientemente cu e demas di e 62 personanan cu a test “positivo” pa Coronavirus ta den bon condicion di salud y tin sintomanan masha leve mes.