Hopi habitante di Gasparito y vecindario di San Miguel, Washington, Keito, Palm Beach, Bubali etc a keha masha hopi diadomingo. E biaha aki prome cu 11or un palo di luz cu transformer riba dje a kibra y cay den un cura di cas causando un problema serio. Danki Dios e no a cay herida ningun hende. Na mes momento e tension halto a pone cu a ranca otro palo di luz mas pabou cu tambe tin transformer riba dje. Ambos palo di Luz a kibra den mey mey y bin abou. E di dos cu a kibra a cay riba caminda y net un auto van chikito tabata pasando. A dal den e palo di luz. E chauffeur no a keda herida. Asina mes el a keda sinta den auto pasobra e tabata tin miedo cu tin coriente y no kier muri carboniza. El a keda como 30 minuut sinta wardando pa personal di Elmar yega. Bomberonan tambe a wordo yama y a presenta pa cualkier problema cu por presenta. Polis a escolta personal di Elmar pa asina nan por a yega mas rapido na e sitio. Finalmente a logra libera e chauffeur sin mucho problema. Djey mester a mantene e caminda sera pasobra ta hopi trabou mester a wordo haci. Dos palo di luz cu transformer nifica un tension halto cu coriente y cu a afecta basta hende. Habitantenan cu tabata eybanda a expresa mesora cu nan a wordo stroba pa nan labamento di paña diadomingo of a stroba nan di sosega. Riba e foto aki por mira mas di e situacion na Gasparito diadomingo mainta.
