Dos maestro for di exterior a duna seminario di Karate na muchanan

Diabierna 6 y diasabra 7 di december, a tuma luga un seminario pa prome biaha na Aruba di Karate, cu a tuma luga den La Salle College gymzaal.

Ta trata aki di Hanshi Hiroshi Ishikawa, fundador y director tecnico di SKIF Latinoamerica y Caribe y Kyoshi Alejandro Castro, director tecnico di SIIF Kodokai di Venezuela, asesor internacional y coach WKF.

Dos maestro for di exterior a duna seminario di Karate na muchanan

Dos maestro for di exterior a duna seminario di Karate na muchanan

Posted by 24ora on Monday, December 9, 2019

Hiroshi Ishikawa

Hanshi Hiroshi Ishikawa a splica cu ta pa prome biaha e ta bishita Aruba. El a bishita tur parti den Caribe y tambe Latino America y el a gusta e luga masha hopi mes.

E t’ey na Aruba pa duna varios demostracion. E ta mustra tecnicamente con pa maneha e curpa y a spera con den tres klas e alumnonan por maneha nan curpa y semper sali p’adilanti.

E muchanan presente tabata hopi entusiasma cu e cursonan aki. Segun Ishikawa, aunke no tabata tin hopi hende, e ta contento toch, pasobra nan a participa activamente. Ishikawa tabata hopi gradicido.

El a gaba hopi e hospitalidad cu el a ricibi durante su bishita y ta spera cu proximo biaha tin mas alumno pa e por traha cun’e.

Hopi hende ta confundi Karate. Hopi hende ta pensa riba pelea, pero Karate no ta asina. Entrenamento ta hopi duro mes y tin biaha ta haya cansancio y dolor. Tur e cosnan aki ta pa lucha y vence. Karate no ta pa bringa contra hende, pero bringa contra bo mes y despues supera bo mes.

Alejandro Castro

Alejandro Castro ta e otro maestro cu a bin duna demostracion den e seminario aki. El a splica cu nan t’ey den e seminario pa busca e basenan, pa laga nan solido. E base aki ta tuma luga den mas di 100 pais. Aruba ta e di 136 pais afilia na e organisacion.

Por lo menos 50 hoben cu a bin pa capacita y conoce y compronde kico ta e sistema Karate-do di SKIF.

E idea fundalmente ta pa crea base y poco poco ta bin fortaleciendo y ampliando e trabao, apoyando den loke ta e respaldo di e federacion local di Karate,

Tabata tin varios invitado durante di e seminario di e estilo cu tin presente den e pais. Solamente e interes di henter e Karate Arubiano pa por crece, mehora y logra ta den e standardnan halto di campeonnan na nivel internacional.

Kico Aruba falta

Segun Castro, e tin ya 20 aña siendo ta director tecnico di e seleccion nacional di Venezuela, cu tabata tin logronan importante na nivel continental y mundial. E experiencia aki el a transmiti pa diferente pais. Pa por a bin Aruba, cual prome biaha el a haci’e na september y awo december, tin interes den e Karate Arubiano pa por crece y mehora.

Un di e cosnan clave cu el a observa durante su bishita ta e talento cu ta existi y e disposicion.