Diamars Polisnan di diferente departamento a bay den accion tras di dos illegal cu a purba core pa Polis. Informacion di pueblo a drenta cu tin hende actuando sospechoso den e area di Alto Vista. Ora cu e prome patruya a yega a mira tres hende. Nan a cuminsa core y Polis a bay nan tras pero tambe a pidi refuerzo.
Unidadnan di caya y di K-9 a presenta mesora. Polis a gara e prome mientras cu dos a logra scapa. Na dado momento e miembro di K-9 a mira e di di dos sospechoso drenta mondi. A bay su tras na pia.
Tabata un situacion fastioso pa drenta e mondi y asina yega na e sospechoso. Polis a logra yega na dje y el a resisti tambe. E detencion no a bay facil. E illegal aki Tabata tin un rugtas cune.
Den e rugtas autoridad a bin topa cu cuater Granada di man. Segun informacion e illegal aki y e otro deteni lo a yega Aruba cu boto den oranan di marduga. Nan Tabata buscando un rumbo pa yega area habita. Polis a haci tremendo trabou. Awor tin total di diez sospechoso entre e 20 ilegalnan cu lo a yega entre dos boto for di Venezuela marduga. Aki por confirma cu tin ilegalnan ta yega tera constantemente y entrenan criminal.
