Dos homber gara cu droga banda di Paseo Herencia

Algo pasa di 11or y 30 di anochi,  patruya di Strand Politie pasando banda di Paseo Herencia a haya holor di marihuana saliendo for di un Yaris.

Mesora e patruya a para e auto y a pidi refuerso di coleganan pa asina bin duna un man. Tabata tin mas cu un hende den e Yaris. E otro patruyanan a yega na e sitio y durante listramento a bin haya droga y grinder y cosnan contra nos leynan di droga. A detene e dos hombernan y a transportanan separa den e patruya nan.

A confisca tur e articulonan hiba nan warda di Shaba. Rond di e area di hotel tin basta benta di droga diariamente sea riba beach of anochi riba e strip dilanti di hotelnan. Polis ta keda vigila y cuida e area aki durante henter mainta y anochi.