Dos homber deteni sospecha di ta arma cu arma di candela

Diaranson mainta algo pasa di 9 or tabatin un persecucion na pia tras di algun homber cu a señala sospechoso den bario di De Vuyst.

E hombernnan tabata mustra di ta arma. Diferente unidad di Polis a uni nan mes den e buskeda pa e sospechosonan. Bisiñanan a coopera cu autoridad pa duna pista unda e hombernnan por a sconde. Despues di casi 2 ora di buskeda a logra pone man riba dos sospechoso den mondi patras di Ronde Klipweg. Investigacion ta andando riba e caso aki debi cu ta sospecha ambos homber tabatin arma di candela riba nan y lo a sconde esaki den mondi.