Diasabra pasa di 10:00 pm di cu team special di polis bezig cu control den e area hotelero a bay controla un Kia Rio shinishi cu dos ocupante hende homber cu aparentemente tabata riba paranda den parkeerplaats di Alhambra.
Durante dicho control, e oficialnan a haya droga den e auto y esey tabata motibo suficiente pa bay over na detencion di ambos.
Mesora a solicita un vehiculo di transporte p’asina hiba e dos hobennan aki ward’i Shaba mientras cu e Kia Rio tambe tabata confisca. A keda pendiente p’e mayornan presenta y pa informa nan di e situacion y e cantidad di droga cu a bin haya den poder di e hobennan.
