Tabata alrededor di 4:30PM diasabra ora cu habitantenan preocupa a bati alarma pa dos homber cu lo ta bringando cu otro den Dominicanessenstraat. Na yegada Polis a bin topa cu e dos hombernan y segun informacion un di nan a duna keho caba ayera nochi pa un motibo of otro pero e otro partido no a keda contento y a bin regla cuenta awe den oranan di atardi.
Polis a detene ambos homber, transporte policial mester a bin busca un y e otro a bay den auto di patruya, mirando cu no por laganan hunto den un solo dogcatcher. Mas trempan caba na mesun adres polis a bay. Un homber a yega drenta e trailer kibra cos. Ta bebemento tin for di trempan y den e proceso cos ta yega na pelea.
