Diahuebs anochi a drenta informe di un accidete cu hende herida na Turibana. Mesora a dirigi tanto polis como ambulans na e sitio. Na yegada di e patruya a bin compronde cu aki lo ta trata di un accidente di cadena cu 3 auto envolvi.
Ta asina cu un chofer no a regula su velocidad ni a mantene distancia a bai dal tras di un auto y esaki consecutivamente a bai dal tras di un otro auto. Debi na e fuerte impacto dos persona a resulta herida. Na yegada di e ambulans nan a atende e victimanan y a transportanan pa hospital.
