Dos herido ora Waverunner a dal den boto di Bela

Awe merdia a sosode un accidente riba lama, banda di Nikki Beach cu a laga dos persona herida. Den careda di 12.30pm a activa Polis Maritimo y Ambulance cu urgencia pa un accidente cu a caba di tuma luga riba lama. Na yegada a constata cu tabatin dos persona herida, pa cual a pidi un ambulance mas. Paramediconan di IMSan a stabilisa e victimanan prome cu a transporta nan pa hospital pa mas tratamento.

Testigonan a comenta cu e dos personanan aki tabata riba un waverunner, moviendo cu velocidad halto y cu na un dado momento durante un bocht, a perde control y a bay dal den un boto di bela. E impacto a zona basta duro.

Dos herido den accidente entre Waverunner y boto di bela na Surfside Beach

Dos herido den accidente entre Waverunner y boto di bela na Surfside BeachDos herido den accidente entre Waverunner y boto di bela na Surfside Beach

Posted by 24ora on Sunday, August 25, 2019

Testigonan a sigui conta cu mesora nan a bula na awa y otronan a subi nan waverunner pa bay brinda ayudo. A trece e dos victimanan tera. E sla tabata duro y na e sitio a compronde cu un di nan sigur a ricibi fractura.

Mientras cu a transporta e heridonan pa hospital, Polis Maritimo a cuminsa un investigacion mesora na e sitio pa por tin un miho bista di kico a pasa, con el a pasa y pa traha un rapport pa seguro, cu lo mester dicidi ki daño lo cubri na e boto di bela cu tabata na anker y awor a sufri daño si spera.