Dos herido leve den accidente banda di Isla di Oro

Diadomingo mainta den careda di 11or un accidente a pasa riba e caminda principal na altura di isla di Oro. Dos hoben den un auto Kia bayendo direccion pariba a dal basta fuerte tras di un stationwagon. Segun testigo e chauffeur no a tene brake. Pa casualidad e mama tabata pasando eybanda den otro auto y wak e susedido y a baha y duna nan un scual. Aparentemente e auto no tin ningun papel. Den e stationwagon e chauffeur a sinti su nek y e pasahero su lomba pa cual a busca asistencia di paramediconan. Despues cu polis a atende tur procedura e autonan a ser hala for di caminda.