Diamars merdia a bati alarma na Brandweer cu tin dos persona pega den lift di RBC su oficina principal situa na Italiëstraat. Dos unidad di Cuerpo di Bombero a presenta n’e sitio.
Locual a sosode ta cu e lift lo a cay di un banda y sali for di su luga, segun Anthony Erasmus cu ta bevelvoerder di Brandweer. Den algun minuut a logra pone e lift bek den su luga.
E dos persona den e lift no a resulta herida pero tabata poco spanta. Pafo a mira van di Otis, compania encarga cu e liftnan.