Dos gara tabata recien na Aruba: Venezolanonan gara ta prefera bay KIA cu bolbe Venezuela

E buskeda pa mas ilegal a sigui dialuna mainta den Sero Colorado. E dos hombernan aki recien a wordo deporta for di Aruba.

Nan a yega bek den mesun forma cu biaha pasa. Biaha pasa a drenta cu boto den Sero Colorado e biaha aki tambe. Ta sospecha cu nan ta e guia e biaha aki pasobra conoce Aruba caba. Ademas di e dosnan aki a logra tambe gara otro ocho mas. Na caminda ya caba a cuminsa papia di documento pa Asilo.

Ademas algun a expresa mesora cu nan no kier bandona Aruba. Lo haci kico cu ta pa keda. Si mester bay sera den prison na Kia lo hacie pasobra nan no kier bolbe nan pais. E figuranan aki tin cu ta procedente di barrionan peligroso na Venezuela y ta bin Aruba cu menos bon intencion. Pesey ta contento cu e accion di Kustwacht y Polis cu a haci un tremendo trabou mey anochi y pone man riba e grupo na tera y capitan riba lama. Algun dia pasa a gara un grupo na Venezuela cu ta facilita e servicio na esnan cu kier bin Aruba a cambio di pago.

Awor a tuma nota cu tin mas grupo haciendo e negoshi y a pone man riba nan tambe. Mientrastanto e foto aki ta di e dosnan cu recien a drenta Aruba y a deportanan. Pero nan a yega bek y atrobe ta den man di husticia.