Djabiérné 5 di yüli 2019, alrededor di 05.56 or di mainta, personal di Tim di Atrako huntu ku Tim di Aresto, a tene entrada hudisial na un kas den área di Santa Elena. Esaki ta en konekshon ku dos kaso di ladronisia ku violensia kometé den luna di mei último. Durante di e investigashon na e adrès ariba menshoná polis a haña i konfiská diferente artíkulo ku ta di importansia pa e investigashon. Relashoná ku e kaso aki a detené un (1) sospechoso: 

E hòmber S.V.L.C. di 36 aña di edat nasé na Kòrsou. Kontinuando ku e investigashon e dos Timnan a bai tambe na un kas den área di Kanga. Na e kas ei tambe e agentenan a haña i konfiská diferente artíkulo ku ta di importansia pa e investigashon. A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.

Comments

comments