Dos detencion y un brommer confisca

4992

Diabierna atardi e yamadanan pa brommernan molestoso ta sigui drenta. Esaki ta den e area di San Nicolas den Colony.

E dia anterior caba algo similar a sosode. Polis a confisca un brommer. Nan ta haci fever y causa molester y peliger pa nan mes y otronan. Polis a base di yamada a sali bay Colony. A bin topa cu brommernan biniendo caba den Fortheuvelstraat banda di e scol di Polis.

Polis a para nan. Un di e brommernan tabata tin papel na ordo y otro no. Na final polis a haci dos detencion. A confisca un brommer. Poco poco ta mandando e mensahe pa asina pone un fin na e situacion di fever.