Dos detencion na Sero Lopez pa maltrato na Verano

Diadomingo atardi pasa di 4or polisnan a bay pura den direccion di Verano pa un caso serio di bringamento. Ora Polis a yega a haya un dama ta conta kico a sosode. Un agresor a bandona e sitio den un Nissan March. A cuminsa un buskeda pasobra segun e dama e homber ta arma.

Ademas ta e homber Nigel Croes conoci di husticia biba na Sero Lopez. Polis a bay na Sero Lopez tambe y a bin haya e sospechoso. A bay over na detencion mesora. Un dama cu lo ta su pareha tambe a keda deteni. Ambos a keda deteni pa sospecho di maltrato. Mirando cu a papia di menaza cu arma di candela, a busca pa arma tambe na Sero Lopez. K9 Unit a ser yama pa bin cu e cacho.

Recherche a bay na Verano pa asina mira e situacion na e sitio y tuma e denuncia relaciona cu maltrato. Parce e dama na e cas conoce e agresor. Nan lo tabata pareha den pasado pero awor nada mas. Autoridad a duna atencion mesora na e problema cu a wordo considera hopi serio

Comments

comments