A drenta yamada cu patras di Arubus na Playa, hendenan a scucha tiro. Mesora diferente unidad di polis a yega rapidamente patras di Aruba Trading, den e parkinglot.
Ora cu nan a yega, a topa cu dos persona di un edad basta jong, sinta. Mesora a ristra ambos persona. Den nan poder a bin topa cu un arma di candela. Aparentemente ta evalando si ta un arma di candela cu bala cayente of un pistool di aire.
Un cos ta sigur cu a haya un arma of mas arma riba nan. A detene nan mesora. Nan tabata cu un Toyota Tercel berde A-73762. A confisca e auto, pendiente investigacion. A pidi presencia di dogcatcher y a transporta ambos persona pa warda.
E auto tambe a keda confisca. Esaki ta danki na reaccion rapido di personanan cu a scucha e tironan y cu a bati alarma, di cual motibo tambe polisnan, den un frega di wowo, a yega y haya e personanan y a topa cu e arma tambe den nan poder.
Trabao di polis contra crimen ta continua. Esaki ta diasabra anochi algo prome cu 11’or di anochi.