Dos criminal ilegal causando tension na Guarda Nos Costa

Dos criminal ilegal cu a yega Aruba cu boto ta motibo pa tension y inseguridad na Guarda Nos Costa. Aki ta trata di e hombernan Carlos Andres Regalado Garcia naci Santa Martha 1-11-1996 y cu a huy di prison na Colombia. E otro ta Juan Sebastian Diaz Acevedo naci na Colombia 10-07-1989.

Nan ta intimidando y menazando e personal no arma di Guarda Nos Costa na Sabana Berde unda nan ta sera. Algun dia pasa durante bishita un conocir di un di nan a trece un caha di keds y ora a bay controla esaki a topa un arma di candela den e caha di keds. E persona a keda deteni y hiba pa Polis pa recherche sigui investiga. E dos Colombianonan aki a keda deteni durante un accion Policial cu Arestatie Team den Ranchostraat. E adres aki ta mesun unda algun tempo pasa a tira otro Colombiano mata cu tiro den cabez.
A drenta e adres buscando arma pero a topa cu e dos ilegalnan aki. Ambos ta wordo busca pa husticia Colombiano. Ambos a drenta Aruba cu boto ilegalmente. Un di nan cual foto ta aparece a huy for di prison na Colombia. Ta wordo menciona cu el a mata su mesun tata. Nan ta wordo considera figuranan hopi peligroso. Pa colmo apenas un siman sera separa for di otro, ambos a logra yega na un blade di corta hero y tabata cortando e hekwerk di e celda unda ambos ta sera. E personal atento di Guarda Nos Costa a constata esaki y asina logra frustra nan intento pa purba huy.
Tambe algun dia pasa a paga luz den nan mesun cel y tapa e bentana cu klechi kitando e bista di e personal. Cada biaha cu e personal yega na nan, ta tende e palabranan di intimidacion. Ta bisa e trahadornan cu nan sa ki auto nan ta core, cu nan tin famia ademas di keda mira e personal di ariba te abou ora di sacanan pa lucht.

Shop steward di Guarda Nos Costa splicando di tensión y inseguridad pa dos criminal será na Guarda Nos Costa.

Posted by 24ora on Sunday, April 22, 2018

Mientras cu tur esaki ta pasando, mas y mas e personal no arma na Guarda Nos Costa ta sinti nan mes insigur. Pesey a cuminsa bati alarma. A cuminsa pidi pa saca e dos criminalnan aki for di Guarda Nos Costa y bay cu nan na warda di Polis of KIA. Mas cu un biaha a pidi pa esaki. Mirando cu no tabata hayando oido, diadomingo a dicidi cu ta basta y a cuminsa prepara pa pone trabou abou. Esaki a yega na oido di minister tambe. A core manda patruya di Polis pa tuma over di e personal bay plat na Guarda Nos Costa. Un hefe di Polis tambe a presenta. A delibera cu esnan di Guarda Nos Costa y aki minister di husticia tambe a cay aden. A dicidi cu lo bay purba saca ambos criminal for di Guarda Nos Costa y mandanan sea KIA of warda di Polis. Loke ta pasa ta cu nan ta ilegal solamenta na Aruba.

Breaking News: Ambos gara siman pasa: Dos Colombiano criminal grandi causando tensión y inseguridad den Guarda Nos Costa

Posted by 24ora on Sunday, April 22, 2018

No tin sospecho riba nan pa un of otro delito cometi. Asina cu nan wordo manda Colombia dimes autoridad Colombiano lo pone man riba ambos mesora. Ambos ta wordo considera peliger pa arma di candela y tambe asuntonan di droga. Bida di hende ta na peliger na nan man. Pa derecho Humano no por sera ilegal den un warda di Polis destina pa detenido. Pesey henter e discusion cu ta tarda y cu a pone e trahadornan di Guarda Nos Costa pone pia abou cu ta basta. Situacion di hopi tension cu a pone cos bay for di man. Mester a pone hasta extra personal na Guarda Nos Costa pa asina nachtdienst garantiza e seguridad di e trahadornan. A stop cu basta accion pasobra e dos criminalnan aki ta sera actualmente pendiente deportacion. Pa seguridad di e otronan cu tambe ta sera eyan a pone cu mester wanta tur accion contra ilegalnan te ora nan bandona e edificio.