Polis a presenta pa un accidente riba caminda di Jaburibari cu dos ciratura envolvi. A pidi presencia di ambulance mesora na sitio pa atende cu nan.
Diamars, aproximadamente 1:30 pm a sosode un accidente entre un Nissan March y un van blanco riba e caminda cu ta sali pa Nuñe for di Jaburibari. Mirando e situacion cu tin dos mucha den accidente y tambe un persona cu ta keha di dolor, a opta pa pidi ambulance na sitio.
Ta sospecha cu velocidad y preferencia a hunga un rol. Segun e habitantenan, e automobilistanan ta core mucho duro riba e ruta aki. A haci peticion pa pone verkeersplateau pa yuda baha e velocidad poco.
Personal di ambulance a haci chekeo medico na sitio mes, di tanto e dama chaffeur di e Nissan March, como tambe e criaturanan envolvi. Afortunadamente no tabata necesario pa hiba ningun hende hospital.
