Dos bombardero nuclear Ruso a baha na Venezuela

Un escuadron di avionnan Ruso, incluyendo dos bomber strategico T-160, capas di carga bombnan nuclear, a baha dialuna den e aeropuerto di Maiquetia Simon Bolivar na Venezuela, segun e minister di Defensa di Rusia a informa den un comunicado.

ADV

“E vuelo a realisa den estricto conformidad cu e normanan internacional di e uso di espacio aereo. E vuelo di e aviacion strategico a transcuri riba awanan di oceano Atlantico y lamanan di Barents, Noruega y Caribe,” e nosta Castrense a señala.

E TU-160 tin e capacidad pa transporta misilnan crucero cu armanan nuclear den un radius di 5.500 kilomester. E clase di bombernan aki a participa den e campaña Ruso na Siria, unda cu nan a lansa misilnan crucero Kh-101 arma cu armanan convencional pa prome biaha den combate.

E presidente Venezolano, Nicolas Maduro a bishita Moscu siman pasa pa trata di reforsa e ayudo economico y politico di su pais, aunke e debe Venezolano cu Rusia ta di miles di miyones di dollar.

Rusia ta un di e principal aliadonan di Venezuela, cual aislamento ta crece bao di e sancionnan imponi door di Merca y Union Europeo. Ambos ta acusa Maduro di viola e institucionnan democratico pa afera na poder y provoca un crisis economico y politico mas grave cu e Gran Depresion.

Ademas di e bombernan, e escuadron tambe a integra un aparato di transporte militar An-14 y un avion di pasahero Il-62, cu a recore mas di 10 mil kilometer.

E vuelo a tuma luga despues cu siman pasa, e presidente Venezolano, Nicolas Maduro, a realisa un bishita nobo na Rusia unda cu el a cera acuerdonan di inversion pa mas di 6mil miyon di dollar, ademas di un contract pa e mantenimento y reparacion di armamento.

Sin embargo, door di a duna un bon bini na centenar di piloto y demas personal Ruso, e minister Venezolano di Defensa, e general Vladimir Padrino Lopez, a sigura cu e ehercisionan ta busca pa garantisa e defensa di nan pais frente na menasanan externo.

“Nos mester bisa e pueblo di Venezuela y na mundo henter, cu asina nos ta cooperando den diverso area di desaroyo pa ambos pueblo, tambe nos ta preparando pa defende Venezuela te na e ultimo palma ora cu ta necesario,” e minister hunto cu alto mando militar a bisa.

“Esaki nos lo bay haci’e cu nos amigonan, pasobra nos tin amigo na mundo cu ta defende e relacionnan respetuoso di ekilibrio, di altura entre e estadonan,” el a añadi.

Dies aña pasa, dos Tu-160 a baha tambe riba teritorio di Venezuela cu e fin di efectua vuelonan di prueba riba awanan internacional, un aña desues cu e avionnan strategico Ruso a reanuda e vuelonan na zonanan patruya door di Merca y NATO, cu a wordo suspendi desde 1992.

Tu-160 (Black Jack, segun NATO) ta capaz di carga diesdos racket di crucero cu armanan nuclear of convencional y 40 ton di bom y ta e avion di guera mas grandi di historia.

E minister di defensa Ruso, Serguei Shoigu, a bisa siman pasa durante un reunion cu su counterpart Venezolano, Vladimir Padrino Lopez, cu Rusia lo sigui manda avion y barconan militar como parti di e cooperacion militar bilateral.

 

– “Guera psicologico” –

Pa e general Raul Salazar, minister di Defensa di Venezuela entre 1999 y 2001, e maniobranan aereo cu Rusia “ta parti di loke nan ta yama guera psicologico.”

“E proposito ta aumenta e percepcion cu Venezuela ta wordo apoya pa Rusia, China y Belorusia, cu e tin e apoyo di un potencia den caso cu otro potencia ta purba di invadi,” AFP a comenta.

Padrino a revela cu dos luna pasa tambe tabata na Venezuela, un grupo di pilotonan Ruso cu a combati na Siria y a anuncia e yegada di un “amplio delegacion” tecnico-militar pa e adecuacion di e ekipamento cumpra di Moscu.

na final di 2016, Venezuela a adkiri 24 avion Sukoi 30 Ruso y a firma e compra di 53 helicopter MI-24 y 100 mil fusil Kalashnikov, entre otro ekipo, loke Merca a considera un plan cu por “alimenta un careda armamentista den e region.”

Caracas tambe a adkiri for di Rusia misilnan Top-MI.

Comments

comments