Dos beisbolista a firma pa sigui studia y hunga baseball na Merca

Thrive Foundation y BMC Facility a haci un esfuerso pa yega na un acuerdo pa dos beisbolista forma parti di Western Oklahoma State College. Ta trata di e dos hobennan Marshall Albertsz y Nkosi Didder, kendenan ta bay sigui cu nan estudio na Merca pero tambe ta bay hunga baseball den college.

Conrad Orman, coach, a indica cu Nkosi Didder ta un persona cu hopi dedicacion. Den e periodo di Covid tabatin hopi reto pa Didder, pero asina mes el a logra termina su estudio. Awo e ta rumbo pa Merca, unda e ta bay sigui cu su estudio y deporte. E meta cu Didder semper tabatin ta pa yega Major League Baseball (MLB).

Nkosi Didder a expresa di ta sumamente contento p’e oportunidad aki. Pa basta tempo e ta preparando p’esaki. E ta spera di haya trabou den esaki, pasobra e ta spera cu su estudio bay bon y e ta bay den e parti di negoshi. Pero ta spera di haya su chens riba veld pa mustra kico e tin aden. S proceso no a dura hopi, pasobra ya caba e coach a mustra interes den Didder. El a cuminsa prepara p’esaki cu su diesseis aña cu e rutina di college.

Randolph Oduber, coach, a splica cu e proceso no ta uno facil, pasobra tin di manda diferente video. E hungadonan tin di sigui adapta nan mes, keda subi na nivel. El a indica cu na Merca, esey ta loke e coachnan ta mira, con ta adapta den un aña largo. Pero tambe con ta bati, tira, picheo, y tin hopi cos ta pasa prome. Ya caba tin nan visa cla y si tur cos bay bon otro siman nan ta subi avion.

Marshall Albertsz a cuminsa hunga baseball desde su cuater aña. El a cuminsa cu Marlins pero despues a bay cu Grasshoppers, forma parti di seleccion y competi den exterior. Un di su logronan grandi ta World Series. Albertsz a hunga como pitcher, primera base, outfielder. Awo e ta mas conoci como pitcher. E ta spera cu su scol bay bon, pero tambe baseball y cu pronto e por ta riba television.

Pa mas lesa TREMPAN.COM.