Diadomingo mainta trempan prome cu 8or a sosode un accidente na Tanki Leendert. Un chauffeur a caba di pasa misa di Tanki Leendert y a bay lora man robes pa bay su cas.
Riba caminda su tras tabata bin un chauffeur cu un velocidad basta halto. E no por a stop na tempo y ta brake dal duro tras di e auto cu a bay lora robes pa drenta su cura. Dor di e impacto e auto dilanti a zwaai y dal cu su parti patras den un palo di luz. A kibra e palo di luz.
E chauffeur a keda levemente herida. Ambulance a bin y nan a bay cu e persona herida pa hospital. E autonan a keda basta kibra. Elmar a ser avisa. Polis di trafico a atende e accidente.
