Dialuna marduga despues di carnaval, a sosode un accidente basta serio riba e caminda di Oanjestad pa Noord, Banda di Fermins Bar un auto a sali sin duna preferencia na e otro.
E auto riba caminda di Noord a dal duro den e porta pasahero di e RHD Honda. E dama sinta eynan a keda herida cu basta sla. Un homber na stuur tambe a keda herdia.
Den e auto riba e caminda di preferecia abata tin un pareha, Ambos tabata levemente herida. Prome cu Polis a yega e dama cu tabata den e auto menciona a disparce for di e sitio. Ekipo di rescate di bombero a presenta pa asina corta e porta di e Honda pa saca e dama herida. En total tres herido a bay Hospital den tres diferente ambulance. Takelwagen a bay pa hala e autonan for di caminda.
