Diadomingo pa mas o menos 11:05pm a sosode un accidente riba Sasakiweg na altura di House of Cheng. Dos auto a bolter y ranca un palo di luz. Chauffeur di e auto marca Honda modelo Accord color shinishi no tabatin rijbewijs ni tampoco otro documentonan di auto.
El a perde control dor cu e tabata uzando sparetire, cu consecuencia cu el a bolter ranca un palo di luz y su tras un auto marca Mitsubishi modelo Lancer color preto tambe a bolter y pega riba e palo di luz.
Ambos chauffeur a sali ileso di e accidente, pero chauffeur di e Lancer preto a baha na awa for di e sitio.
E daño material riba ambos auto ta considerabel, incluyendo dañi haci na e luznan di NV Elmar.
