Dos aña pidi pa hoben cu a mata su ex chick di 15 aña

3349

Ministerio Publico (OM) diaranson a pidi dos aña di “Jeugddetentie” y TBS hubenil contra un mucha homber di 17 aña sospecha di a hinca su ex amiga mata na Breda. E victima di diescinco aña a perde su bida den cas di su mayornan.

E incidente aki a tuma luga dia 19 di augustus, 2019, e prome dia di scol despues di vakantie grandi.A detene e sospechoso cu e tempo ey tabatin 16 aña, riba e mesun dia. E ta den detencion for di e tempo ey.

OM a haya proba cu e mucha homber a mata su victima, cu a fayece na e sitio, a haci su mes culpabel na asesinato. A pidi e maximo di castigo den “Jeugdstrafrecht”. Esey ta dos aña di detencion y medida PIJ. (PIJ-maatregel ta un medida den “jeugdstrafrecht” Hulandes, ta existi na Aruba tambe, cu ta encera detencion hubenil cu guia intensivo.  “PIJ” ta nifica “Plaatsing in een Inrichting voor Jeugdigen”. E ta conoci tambe como “Jeugd-tbs”.”

“A haci evaluacion psikiatrico y psicologico di e mucha homber,” OM a bisa. “Fiscal ta sigui conseho di e expertonan pa pone e medida PIJ riba e hoben.” Banda di esaki, e famianan a haci un demanda di daño y perhuicio.

Aki dos siman lo tin sentencia. Debi cu ta trata di menor, OM no ta bay den contenido tratamento di e caso.